ÜBER ÜNIC

handgmacht. fräch. anderscht.

 

ÜNic isch us Froid am Machä entstandä.

Ich han ständig irgändwelchi Ideeä im Chopf – und meistens muäss ich sie irgendwann eifach usprobiärä. 🙈

Mal landät öppis uf Stoff, mal uf Holz, mal uf ärä Tasse. Es wird druckt, prässt, glaseret, knüpft, ausprobiert – und ja, mängisch landät ä Idee au wider ganz schnäll im Chübäl 🤣

Genau da drus isch ÜNic entstandä: Sache z'machä, wo nöd überall gsehsch. Nöd ab dä Stange. Nöd perfekt und nöd glattbüglät. Sondern mit Charakter.

 

Handgmacht bedütät bi ÜNic au wirklich handgmacht.

Vom Motiv übär d'Produktion bis zum Verpackä entstaht ganz viel diräkt bi mir. Ich wähl mini Materialie bewusst us und mir isch wichtig, dass nöd nur s'Design stimmt, sondern au d'Qualität.

Und will ich zimlich schlächt drin bin, mich nur für ei kreativi Sach z'entscheidä, staht i mim Kreativzimmär mittlärwiilä so einiges ume. 🙈🤣

Genau das macht ÜNic abär au us: Ich probiär gärn Nois, tüftlä, verändärä und entwicklä wiiter.

 

ÜNic muäss nöd jedem gfallä.

Aber wänn du Sachä gärn häsch, wo äs bitzäli frächer, persönlichär und anderscht sind, denn bisch da zimlich richtig. 💜